” އެސް.ޓީ.އޯ ތިލައުތުރު ފުޓްސަލް މުބާރާތް 2022 – އުތީމު ” ގެ ނަމުގައި ކުރިއަށް ގެންދާ ހއ.އަތޮޅު ފުޓްސަލް މުބާރާތް ފެށިއްޖެ

ހއ.އަތޮޅުގެ ރަށްތަކަށް ހުޅުވާލެވިގެން ހއ.އަތޮޅު ކައުންސިލާއި އުތީމު ކައުންސިލް ގުޅިގެން ” އެސް.ޓީ.އޯ ތިލައުތުރު ފުޓްސަލް މުބާރާތް 2022 – އުތީމު ” ގެ ނަމުގައި ކުރިއަށް ގެންދާ ފުޓްސަލް މުބާރާތް ފެށިއްޖެއެވެ. މި މުބާރާތަކީ އަތޮޅުގެ ރަށްތަކުގެ މުއައްސަސާތަކުގައި މަސައްކަތްކުރާ މުވައްޒަފުންނަށް އަމާޒުކޮށްގެން ކުރިއަށް ގެންދާ މުބާރާތެކެވެ. މިއަހަރު މުބާރާތް ހޯސްޓް ކުރަމުން ގެންދަނީ ހއ.އުތީމު ގައެވެ. މުބާރާތުގައި އަތޮޅުގެ 10 ރަށަކުން ވަނީ ބައިވެރިވެފައެވެ. އެއީ އުތީމު، ދިއްދޫ، މުރައިދޫ، ވަށަފަރު، ކެލާ، މާރަންދޫ، ތުރާކުނު، އިހަވަންދޫ، ފިއްލަދޫ އަދި ބާރަށެވެ.

މި މުބާރާތުގައި މިހާރު ކުޅެމުންދަނީ ގްރޫޕް ސްޓޭޖްގެ މެޗްތަކެވެ. ސެމީ ފައިނަލްގައި ވާދަކުރާ ޓީމްތަކުގެ މެޗްތައް ކުޅުމަށް ހަމަޖެހިފައިވަނީ މި މަހުގެ 25 ވާ ބުދަ ދުވަހުއެވެ. އަދި، ފައިނަލް މެޗް ކުޅުމަށް ހަމަޖެހިފައިވަނީ މިމަހުގެ 27 ވާ ހުކުރު ދުވަހުގެ ހަވީރު 16:15 ގައެވެ.

މުބާރާތުގެ ޗެމްޕިއަން ޓީމަށް 30,000ރ، ރަނަރަޕް ޓީމަށް 15,000ރ އަދި ފެއަރ ޕްލޭ ޓީމަށް 10,000ރ ގެ ފައިސާގެ އިނާމު ދިނުމަށް ހަމެޖެހިފައި ވެއެވެ. މި މުބާރާތުގެ މެޗްތައް ކުރިއަށްދަނީ އުތީމު ކަލާފާނު ސްޓޭޑިއަމް ގައެވެ.